Fələstin Milli Administrasiyasının rəhbəri Mahmud Abbas Qəzza zolağında xəstəxanaya edilən hücumdan sonra Əmmanda ABŞ prezidenti Co Baydenlə planlaşdırılan görüşdə iştirak etmək niyyətində olmadığını açıqlayıb.
Bu barədə Associated Press mənbəyə istinadən xəbər verir.
Abbasın görüşə qatılmaqdan imtina etdiyini açıqlamasından sonra İordaniya hakimiyyəti Əmmanda keçirilməsi planlaşdırılan sammiti ləğv etdiklərini açıqlayıb.
Mənbə bildirdi ki, Abbas bu qərarı Qəzza zolağında yüzlərlə fələstinlinin həlak olması nəticəsində xəstəxanaya raket hücumuna etiraz olaraq verib.
