ER XİN hələ cari ilin oktyabrın 4-də MDB İcraiyyə Komitəsinə yazılı şəkildə məlumat verib ki, oktyabrın 12-də MDB Xarici İşlər Nazirləri Şurasının Bişkekdə keçirilməsi planlaşdırılan iclasında ER xarici işlər nazirinin müavini iştirak edəcək. Bu barədə “Lurer”ə Xarici İşlər Nazirliyinin mətbuat katibi Ani Badalyan məlumat verib.
Daha əvvəl Rusiya xarici işlər nazirinin müavini Mixail Qaluzin “РБК”ə müsahibəsində bildirib ki, Moskva MDB Xarici İşlər Nazirləri Şurasının keçiriləcək iclası çərçivəsində Ermənistan, Rusiya və Azərbaycan XİN rəhbərlərinin üçtərəfli görüşünü təşkil etmək istəyir. Diplomat bildirib ki, Azərbaycan tərəfindən görüşlə bağlı artıq razılıq var.
