Qərbyönlü analitiklər Ermənistanın guya Kollektiv Təhlükəsizlik Müqaviləsi Təşkilatından (KTMT) çıxmaq istəyindən danışırlar, lakin Rusiya Federasiyası belə rəsmi siqnalları görmür.
Bunu Rusiya prezidentinin mətbuat katibi Dmitri Peskov deyib.
“Biz bu mövzuda çoxlu müzakirələr görmüşük, o cümlədən, deyək ki, Ermənistanda olan və bunu dəfələrlə müzakirə edən qərbyönlü analitiklər. Amma bununla bağlı heç bir rəsmi siqnal almamışıq”, – deyə Peskov vurğulayıb.
Dmitri Peskov ABŞ-Ermənistan hərbi təlimlərinə də reaksiya verib.
O bildirib ki, Ermənistanın ABŞ-la birgə hərbi təlimləri keçirməsi dərin təhlil tələb edir:
“Biz Ermənistanın hansı məqsədlər güddüyünü başa düşməliyik və biz bunu onunla dialoqda edəcəyik”.
