Mesajımız aydın və sadədir. Paris meri Ann Hidalqo Syunik bölgəsində təşkil edilən mətbuat konfransında bildirib: “Biz hər şeydən əvvəl beynəlxalq hüquqa hörmət etməyə çağırırıq”.
O, həmçinin vurğulayıb ki, Dağlıq Qarabağ əhalisi onların iradəsi olmadan mühasirədədir və bütün bunlar beynəlxalq hüquq normalarına və 2020-ci il atəşkəs bəyanatına zidd olaraq həyata keçirilir.
“Bu gün Qarabağda baş verənlər soyqırım kimidir. Beynəlxalq Cinayət Məhkəməsinin keçmiş prokuroru (Luis Moreno Okampo - red.) bu gün baş verənləri soyqırım kimi qiymətləndirib və onu soyqırım kimi qiymətləndirən prinsip və məqamlardan 4-ü beynəlxalq ictimaiyyət və ekspertlər tərəfindən tanınır.
BMT baş katibinin soyqırımın qarşısının alınmasına cavabdeh olan müşaviri bu gün baş verənləri eyni sözlə ifadə edir: avtoritar rejim tərəfindən soyqırımı, sadəcə olaraq öz hüquqlarını tələb edən xalqın etnik təmizləməsi.
Məhz bu vəziyyətin şahidi olmaq və qınamaq üçün buraya gəlmişik və biz də Fransa prezidentinə müraciət edirik ki, Fransa Dağlıq Qarabağ xalqının hüquqlarına dair qətnamə qəbul etmək üçün BMT Təhlükəsizlik Şurasındakı mövqeyindən istifadə etsin”,- deyə o qeyd edib.
