Almaniya federal hökuməti Aİ-nin Ermənistan və Azərbaycan arasında davamlı sülhün bərqərar olması səylərini dəstəkləyir. Bu barədə Almaniya Xarici İşlər Nazirliyi həmin ölkədə fəaliyyət göstərən “Haypress” agentliyinin suallarını cavablandırarkən bildirib.
Agentlik XİN-ə iki sual ünvanlayıb: Azərbaycan tərəfindən humanitar yüklərin daşınmasının blokadaya alınmasının şahidi olmaq olan diplomatların səfərində Almaniya iştirak edibmi və bununla bağlı hansı tədbirləri həyata keçirib?
“Federal hökumət bu prosesdə həm Ermənistan, həm də Azərbaycan nümayəndələri ilə daimi təmasdadır. Almaniyanın Yerevandakı səfirliyi Ermənistan hökuməti və siyasi cəmiyyəti, eləcə də Aİ-nin Ermənistandakı missiyası ilə davamlı əlaqə saxlayır.
Dağlıq Qarabağdakı humanitar vəziyyətə gəlincə, səfirlik müntəzəm olaraq Beynəlxalq Qızıl Xaç Komitəsi (BQXK) ilə əməkdaşlıq edir və onun vasitəsilə Dağlıq Qarabağa humanitar yardımın ən böyük həcmi Almaniyanın payına düşür.
Almaniya Beynəlxalq Ədalət Məhkəməsinin Laçın Dəhlizi vasitəsilə insanların və malların sərbəst hərəkəti ilə bağlı qərarını dəstəkləyir və bu qərarla Dağlıq Qarabağ əhalisinin həyati ehtiyacları təmin edilməlidir”, - Almaniya Xarici İşlər Nazirliyinin cavabında deyilir.
