KTMT Parlament Assambleyası Şurasının iclası zamanı Belarus prezidenti Aleksandr Lukaşenko təşkilat üzvlərinin suverenliyini və müstəqilliyini qorumaq üçün KTMT-də birliyin vacibliyini vurğulayıb.
“Əminəm ki, Belarusun sədrliyinin şüarı, yəni “Həmrəylik və əməkdaşlıq yolu ilə sülh və təhlükəsizliyə doğru” şüarı bütün KTMT üzvlərinin maraqlarına uyğundur. Bu baxımdan bizim birliyimiz məsələsindən yan keçmək olmaz. Belarus sədrliyi çərçivəsində KTMT dövlətlərinin birliyini artırmaq üçün lazımi səylər göstərməyi qarşısına məqsəd qoyub”, - deyə Belarus rəhbəri bildirib.
Onun sözlərinə görə, təşkilatın gücləndirilməsi, onun məsuliyyət zonasında təhlükəsizliyin və sabitliyin təmin edilməsi perspektivi mövcud ziddiyyətlərin aradan qaldırılmasıdır.
