Hollandiyada yaşayan azərbaycanlı tarixçi Arif Yunus öz “Facebook” səhifəsində Azərbaycanın Hollandiyada növbəti uğursuzluğu ilə bağlı maraqlı təfərrüatlar dərc edib.
Onun sözlərinə görə, aprelin 13-də Əliyevin xüsusi nümayəndəsi, birinci vitse-prezidentin xüsusi köməkçisi Elçin Əmirbəyov parlamentarilərlə görüşmək üçün həmin ölkəyə gəlib.
Aprelin 4-də həmin görüşdən əvvəl Arif Yunus Niderland Parlamentinin Xarici Əlaqələr Komitəsinin üzvləri, o cümlədən əsas partiyaların rəhbərləri və liderləri ilə görüşüb, onlara kütləvi informasiya vasitələri Azərbaycanda müsəlman dindarların hüquqlarının pozulması ilə bağlı çoxlu sayda sənədli faktlar təqdim edib.
Ola bilsin ki, parlamentarilər həmin görüşdə insan haqları, o cümlədən son günlər dindarların kütləvi həbsləri ilə bağlı məsələ qaldıracaqdılar. Yunusun sözlərinə görə, Azərbaycan səfirliyinin də bundan xəbəri olub. Bu gün isə parlamentin saytında iclasın baş tutmayacağı ilə bağlı məlumat yayılıb.
