Aprelin 14-də Ermənistan Respublikasının xarici işlər naziri Ararat Mirzoyan Özbəkistanın Səmərqənd şəhərində MDB-yə üzv dövlətlərin Xarici İşlər Nazirləri Şurasının dar, daha sonra genişləndirilmiş formatda keçirilən iclasında iştirak edib.
İclas zamanı MDB iştirakçısı olan dövlətlər iclasın gündəliyindəki məsələləri müzakirə edib, regional məsələlərə dair fikir mübadiləsi aparıblar. Bir sıra sənədlər, o cümlədən Gümrü şəhərinin 2024-cü ildə “Əməkdaşlığın İdman Paytaxtı”, Kapan şəhərinin 2026-cı ildə “MDB-nin Gənclər Paytaxtı” elan edilməsi haqqında qərarlar qəbul edilib.
Cənubi Qafqazda təhlükəsizlik vəziyyəti kontekstində Ermənistan tərəfi vurğulayıb ki, Ermənistan tərəfinin vəziyyətin sabitləşdirilməsi və uzunmüddətli sülhün bərqərar olmasına yönəlmiş səyləri rəsmi Bakının fasiləsiz təcavüzkar ritorikası və davamlı hərbi ritorika ilə üzləşir.
Azərbaycanın Laçın dəhlizinin dörd aydır davam edən qeyri-qanuni blokadası kontekstində vurğulanıb ki, Ermənistan cəlb edilən bütün tərəflərdən öz üzərinə götürdüyü öhdəliklərin, habelə Beynəlxalq Ədalət Məhkəməsinin qərarın davamlı şəkildə icrası istiqamətində fəal addımlar gözləyir.
Üçtərəfli Bəyanatın digər müddəalarının pozulmasına toxunularaq vurğulanıb ki, beynəlxalq ictimaiyyətin və mötəbər hüquq müdafiə təşkilatlarının çoxsaylı çağırışlarına zidd olaraq, Azərbaycan erməni hərbi əsirləri və mülki şəxsləri qanunsuz olaraq girov saxlamaqda, saxta məhkəmələr aparmaqda və onlara qarşı qeyri-insani rəftara məruz qoymaqda davam edir.
Ümumilikdə qeyd olunub ki, bütün çətinliklərə baxmayaraq, Ermənistan tərəfi mövcud öhdəliklərə sadiqdir və regionumuzda sülh və sabitliyin əldə olunması üçün bütün səyləri göstərməyə hazırdır.
