Azərbaycan səfiri Niderland Xarici İşlər Nazirliyinə çağırılıb. Bu barədə “Armenpress” Niderland Erməni Təşkilatları Federasiyasına (FAON) istinadən bildirdi.
Qeyd olunur ki, Niderland parlamentinin 13 fraksiyası Beynəlxalq Ədalət Məhkəməsinin fevralın 22-də Laçin dəhlizinin blokadasının açılması ilə bağlı qərarını yerinə yetirməməsi ilə bağlı bu ölkənin xarici işlər naziri Vopka Hokstraya yazılı suallar göndərib. Cavabında Vopke Hokstra parlamentarilərlə razılaşaraq qeyd edib ki, Azərbaycan məhkəmənin qərarına əməl etmir. Qərarə əsasən, Laçın dəhlizi ilə hər iki istiqamətdə insanların, nəqliyyat vasitələrinin və yüklərin maneəsiz hərəkətini təmin etmək üçün əlində olan bütün vasitələrdən istifadə olunmalıdır.
Cavab məktubunda nazir vurğulayıb ki, beynəlxalq məhkəmənin qərarları hüquqi qüvvəyə malikdir, buna görə də Niderland Azərbaycan hakimiyyətini bu qərara əməl etməyə çağırıb.
Məlumata görə, Niderlandın xarici işlər naziri Laçin dəhlizinin blokadası nəticəsində Dağlıq Qarabağda yaranmış humanitar vəziyyətlə bağlı narahatlığını Azərbaycan hakimiyyəti ilə ikitərəfli danışıqlarda, Niderlandın baş naziri ilə Azərbaycan prezidenti arasında bu yaxınlarda keçirilən görüş zamanı da bildirib. FAON qeyd bildirib ki, Niderlandın xarici işlər naziri bu narahatlığı azərbaycanlı həmkarına da çatdırıb. Bu narahatlıqlar müxtəlif beynəlxalq konfranslarda, Aİ bəyanatlarında da ifadə olunub.
Hollandiyanın xarici işlər naziri Vopka Hokstra xüsusi şəkildə qeyd edib ki, məhkəmənin qərarı tam icra olunmalıdır.
