ER-nin Baş nazirin müavini Mher Grigoryan Rusiya Federasiyası Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Kazbek Taysayevin başçılıq etdiyi nümayəndə heyətini qəbul edib.
Baş nazirin müavini qonaqları salamlayıb və Rusiya ilə münasibətlərin davamlı inkişafını, o cümlədən qanunvericilik orqanlarının əməkdaşlığını vurğulayıb․
Görüşdə baş nazirin müavini Mher Grigoryan Azərbaycanın Ermənistanın suveren ərazisinə qarşı son irimiqyaslı təcavüzü nəticəsində yaranmış vəziyyəti təqdim edib, Azərbaycan silahlı qüvvələrinin Ermənistanın suveren ərazisindən çıxarılmasının və atəşkəs rejiminin qeyd-şərtsiz saxlanmasının zəruriliyini vurğulayıb.
İqtisadiyyat, mədəniyyət və qarşılıqlı maraq doğuran digər sahələrdə ikitərəfli əməkdaşlıq gündəliyinin cari məsələləri də müzakirə olunub. Cari ildə qarşılıqlı ticarət istiqamətində qeydə alınan əhəmiyyətli artım məmnunluqla vurğulanıb.
Çoxtərəfli formatda əməkdaşlığa da toxunulub, xüsusilə MDB və Aİİ çərçivəsində həyata keçirilən proqramlar və təşəbbüslər ətrafında fikir mübadiləsi aparılıb.
