Եվրամիության անսասան աջակցությունը Լիբանանին ծառայում է ոչ միայն այդ երկրի, այլև ամբողջ տարածաշրջանի շահերին, ասել է ԵՄ արտաքին գործերի նախարար Կայա Կալասի խոսնակ Անուար ալ Անունին։
Նա հիշեցրել է, որ 2026 թվականի հունիսի 18-19-ը կայացած ԵՄ վերջին գագաթնաժողովի եզրակացություններում հատուկ նշվել է Լիբանանի զինված ուժերին ԵՄ աջակցության մասին՝ «CSDP-ի (անվտանգության և պաշտպանության ընդհանուր քաղաքականություն) շրջանակներում, հնարավոր առաքելության միջոցով»։ Ալ Անունին նաև նշել է, որ Խաղաղության եվրոպական հիմնադրամի գծով հաստատվել է 100 մլն եվրոյի օգնություն լիբանանյան բանակին: Նրա խոսքով՝ դա կաջակցի Լիբանանի կառավարության ջանքերին՝ զենք ունենալու պետական մենաշնորհը հաստատելու ուղղությամբ:
Խոսելով Իսրայելի, Լիբանանի և ԱՄՆ-ի եռակողմ շրջանակային համաձայնագրի մասին, որը նախատեսում է իսրայելական զորքերի մասնակի դուրսբերում Լիբանանի հարավից, Կալասի ներկայացուցիչն այն անվանել է «անհրաժեշտ առաջխաղացում» Լիբանանի ու Իսրայելի միջև դեէսկալացիայի և խաղաղության ուղղությամբ:
CSDP-ի շրջանակում Լիբանանի համար ԵՄ առաքելությունը Եվրամիության դեռևս առաջարկվող ռազմաքաղաքացիական առաքելություն է: Նրա հիմնական նպատակը ոչ թե ՄԱԿ-ի խաղաղապահներին (UNIFIL) փոխարինելն է, այլ Լիբանանի զինված ուժերի և ներքին անվտանգության ուժերի ամրապնդումը՝ երկրում կայունությունն ինքնուրույն ապահովելու համար:
