Ռուսաստանը և Ուկրաինան շարունակում են փոխադարձ հարվածները
Ռուսաստանը և Ուկրաինան շարունակում են փոխադարձ հարվածները: Գիշերը ռուսական ուժերն Ուկրաինայի ուղղությամբ արձակել են գրեթե 120 հարվածային անօդաչու թռչող սարք, որոնց մեծ մասը խոցվել է: ԱԹՍ-ների գրոհի հետևանքով Սումիում երկու մարդ է զոհվել, Զապորոժիեում՝ մեկ:
Ուկրաինական հարվածներից էլ Կրասնոդարի երկրամասի Տեմրյուկի շրջանում ծովային տերմինալ է այրվել: Մեկ մարդ զոհվել է, երեքը՝ վիրավորվել: Ռուսական կողմը հայտնել է նաև Խերսոնում մեկ զոհի, 5 վիրավորի մասին:
Ավելի վաղ Ռուսաստանի նախագահ Վլադիմիր Պուտինը հայտարարել էր, որ պատերազմում ներգրավված զինվորականների թիվը գերազանցում է 700 000-ը։ Նա խորհուրդ էր տվել կռվի չբռնվել Ռուսաստանի հետ և փորձել բարեկամական հարաբերություններ պահպանել:
