Պերմին, որն Ուրալի հինգ խոշորագույն քաղաքներից մեկն է՝ մոտ 1 միլիոն բնակչությամբ, սպառնում են նույն հետևանքները, որոնցում հայտնվել է Տուապսեն՝ նավթային ենթակառուցվածքների վրա ուկրաինական անօդաչու թռչող սարքերի հարվածներից հետո. նավթային անձրև, թունավոր օդ և շրջակա միջավայրի երկարատև աղտոտում՝ հաղորդել է Агентство-ն՝ հղում անելով բնապահպաններին: Նրանք կարծում են, որ ապրիլի 29-ին և 30-ին Ուկրաինայի զինված ուժերի հարձակումներից հետո Պերմի երկրամասում բռնկված հրդեհները կարող են ավելի վտանգավոր լինել, քան Տուապսեինը:
«Տրանսնեֆտ» կայանում հրդեհվել է առնվազն վեց պահեստային բաք, որոնցից յուրաքանչյուրը պարունակում է 50000 տոննա նավթամթերք, մինչդեռ Տուապսեում այրվել է ընդհանուր առմամբ մոտ 100000 տոննա:
Հարվածները թիրախավորել են «Պերմնեֆտեորգսինտեզի» նավթավերամշակման գործարանը, որը երկրի յոթերորդ խոշորագույնն է, ինչպես նաև «Տրանսնեֆտ» նավթի պոմպակայանը՝ 380000 խորանարդ մետր ընդհանուր տարողությամբ: Հրդեհը վնասել է նավթի առաջնային վերամշակման կայանը, ինչի հետևանքով գործարանը նվազեցրել է իր հզորության 40%-ը։
Այս զարգացումների ֆոնին Պերմի իշխանությունները սկզբում պահպանել են լիակատար լռություն, ապա հայտարարել են, որ «սպառնալիք չկա», և էական վնասի մասին որևէ տեղեկություն չի հաղորդվել:
