Վաշինգտոնը ստիպված կլինի վերանայել ՆԱՏՕ-ի հետ իր հարաբերությունները Իրանում հակամարտության ավարտից հետո՝ հայտարարել է ԱՄՆ պետքարտուղար Մարկո Ռուբիոն։
«Ցավոք, կարծում եմ, որ մենք ստիպված կլինենք վերանայել, թե արդյոք այս դաշինքը, որը որոշ ժամանակ լավ է ծառայել մեր երկրին, դեռևս ծառայո՞ւմ է այդ նպատակին։ Թե հիմա այն դարձել է միակողմանի փողոց, որտեղ Ամերիկան պաշտպանում է Եվրոպան, բայց երբ մեզ է անհրաժեշտ մեր դաշնակիցների օգնությունը, նրանք մերժում են մեզ բազա տրամադրել կամ իրենց օդային տարածքով թռիչքներ իրականացնել»,- ասել է Ռուբիոն Fox News-ի հետ հարցազրույցում։
Ավելի վաղ հայտնի է դարձել, որ Իսպանիան հրաժարվել է ամերիկյան կործանիչներին տրամադրել իր օդային տարածքը, իսկ Իտալիան՝ Սիցիլիայի ռազմաբազան:
ԱՄՆ պետքարտուղարը նշել է, որ ՆԱՏՕ-ի հետ հարաբերությունների վերանայման վերաբերյալ վերջնական որոշումը կկայացնի ԱՄՆ նախագահ Դոնալդ Թրամփը։
