Մարտի 25-ին հրդեհ էր բռնկվել Երևան քաղաքի Ազատության պողոտայում գտնվող «Կանազ» մշակութային տան չգործող քառահարկ շինությունում: Չնայած իրավիճակի բարդությանը՝ մասնագիտական արձագանքը չուշացավ։ Հրդեհի մարումից ընդամենը ժամեր անց, երբ տարածքը դեռ գտնվում էր հետևանքների անմիջական ազդեցության տակ, «ՀՀ փորձագիտական կենտրոն» ՊՈԱԿ-ի լավագույն մասնագետներն արդեն դեպքի վայրում էին:
Իրականացվել են համալիր փորձաքննություններ հետևյալ ուղղություններով.
- հրդեհատեխնիկական փորձաքննություն – կրակի առաջացման օջախի և պատճառների բացահայտում.
- շինարարական փորձաքննություն – կառույցի ամրության և վնասվածության աստիճանի գնահատում.
- Ապրանքագիտական փորձաքննություն – գույքային և նյութական վնասի հաշվարկում:
Մեր փորձագետների օպերատիվ աշխատանքի շնորհիվ հնարավոր կլինի սեղմ ժամկետներում ստանալ հրդեհի ամբողջական պատկերը և տալ մասնագիտական հստակ եզրակացություն:
