Իսլամական հեղափոխության պահապանների կորպուսը պատրաստ է ամբողջությամբ փակել Հորմուզի նեղուցով նավագնացությունը և ոչնչացնել Մերձավոր Արևելքում ԱՄՆ-ի հետ կապված ընկերությունները, եթե Միացյալ Նահանգները հարվածի իրանական էլեկտրակայաններին, հաղորդել են տեղական լրատվամիջոցները։
Ավելի վաղ ԱՄՆ նախագահ Դոնալդ Թրամփը հայտարարել էր իր այդ մտադրության մասին, եթե Թեհրանը չվերականգնի նավագնացությունը Հորմուզի նեղուցով։ Ներկայումս միայն Իրանի հետ լավ հարաբերություններ ունեցող երկրների որոշ նավերի է թույլատրվում անարգել անցնել այդ հատվածով։
Իսլամական հեղափոխության պահապանների կորպուսը (ԻՀՊԿ) նաև ընդգծել է, որ Մերձավոր Արևելքի ենթակառուցվածքներին կհարվածի այն դեպքում, եթե ԱՄՆ-ն և Իսրայելը ձեռնարկեն նմանատիպ գործողություններ: Ընդ որում, թիրախավորվելու են այն ենթակառուցվածքները, որոնցում ԱՄՆ-ն բաժնետեր է:
