Վրեժ կլուծենք բոլոր զոհերի համար. Մոջթաբա Խամենեիի առաջին ուղերձը
Իրանի դեմ ամերիկա-իսրայելական հարվածների 13-րդ օրը երկրի նոր գերագույն առաջնորդ Մոջթաբա Խամենեին առաջին անգամ ուղերձով դիմել է ժողովրդին:
Նա բարձր է գնահատել Իրանի զինված ուժերի ջանքերը հայրենիքը պաշտպանելու գործում և խոստացել վրեժ լուծել բոլոր զոհերի, հատկապես՝ Մինաբի դպրոցի վրա հարձակման հետևանքով զոհված 170 երեխայի համար:
Խամենեին նշել է, որ Պարսից ծոցի արաբական երկրների ուղղությամբ հարձակումները կշարունակվեն: Նրա խոսքով՝ տարածաշրջանում ամերիկյան ռազմակայանները կթիրախավորվեն:
Մոջթաբա Խամենեին նաև հայտարարել է, որ Իրանը պետք է շարունակի օգտագործել Հորմուզի նեղուցի փակման լծակները: Երկրի նոր գերագույն առաջնորդի խոսքով՝ Իրանը փոխհատուցում կպահանջի հարվածների հետևանքով հասցված վնասի համար:
Ավելի վաղ Իրանի ԱԳՆ-ն հաստատել էր լուրերը, որ Խամենեին վիրավորվել է:
