Ուկրաինան գաղտնալսող անօդաչու սարքեր և ԱԹՍ փորձագետների խումբ է ուղարկել Հորդանան՝ ամերիկյան ռազմակայանները պաշտպանելու համար, հայտարարել Է Ուկրաինայի նախագահ Վոլոդիմիր Զելենսկին՝ the New York Times (NYT) թերթի հետ հարցազրույցում:
Նա հստակեցրել է, որ Միացյալ Նահանգները նման օգնության համար Կիևին դիմել է մարտի 5-ին, ինքն արագ արձագանքել է և հաջորդ օրն ուկրաինական թիմ ուղարկել Հորդանան:
NYT-ի հետ Ուկրաինայի նախագահը հայտնել է, որ Իրանի առաջին հարվածներից հետո Բահրեյնի, ԱՄԷ-ի, Հորդանանի, Քուվեյթի, Կատարի և Սաուդյան Արաբիայի առաջնորդները դիմել են իրեն՝ օգնության խնդրանքով։ Զելենսկին նշել է, որ ցանկանում է օգնել այդ երկրներին, բայց օգնության չափը պետք է մշտապես համապատասխանեցվի Ուկրաինայի կարիքներին։ Առաջին հերթին Կիևը պատրաստ է իր անօդաչու սարքերը, որոնք արդյունավետ են իրանական ԱԹՍ-ների դեմ պայքարում, փոխանակել ավելի հզոր ՀՕՊ համակարգերի հետ, որոնք անհրաժեշտ են բալիստիկ հրթիռները որսալու համար, որոնք ՌԴ-ն արդեն 5-րդ տարին օգտագործում է Ուկրաինային հարվածելու համար:
Զելենսկին նաև կոչ է արել Մերձավոր Արևելքի երկրներին, որոնք բարեկամական հարաբերություններ ունեն Մոսկվայի հետ, ազդել Վլադիմիր Պուտինի վրա:
