Հայաստանի և Վրաստանի համագործակցությունը բարձր մակարդակի վրա է: Մենք, այնուամենայնիվ, դեռ չիրացված ներուժ և հեռանկարներ ունենք: Այդ մասին վարչապետ Նիկոլ Փաշինյանի հետ համատեղ հայտարարության ժամանակ ասաց Վրաստանի վարչապետ Իրակլի Կոբախիձեն՝ առանձնացնելով հատկապես «շատ հաջողված» առևտրատնտեսական համագործակցությունը:
«Հայաստանը Վրաստանի արտաքին առևտրի գործընկերների առաջին տասնյակում է: Ճանապարհորդությունների և զբոսաշրջության առումով ՀՀ-ն առաջին եռյակում է Վրաստանի համար, և շատ արժեքավոր է նման համագործակցություն ունենալը և այն ավելի խորացնելը զբոսաշրջության բնագավառում:
Շատ ուրախ ենք, որ Հայաստանից Վրաստան այցելուների հետաքրքրությունն ավելանում է: Մենք պետք է է՛լ ավելի խորացնենք այս համագործակցությունը»,- ասաց նա:
