ԱՄՆ պետքարտուղար Մարկո Ռուբիոն հայտարարել է, որ Եվրոպա իր այցի ընթացքում նախատեսում է այցելել Գերմանիա, Հունգարիա և Սլովակիա, բայց ոչ Ռուսաստան։ ԱՄՆ պետքարտուղարը չի բացառել, որ Մյունխենի համաժողովում կհանդիպի Ուկրաինայի նախագահ Վոլոդիմիր Զելենսկու հետ։
Մյունխենում միջազգային անվտանգության համաժողովը տեղի կունենա փետրվարի 13-15-ը։ Ակնկալվում է, որ դրան կմասնակցեն ավելի քան 50 պետության ղեկավարներ և մոտ 100 նախարար։ Ամերիկյան կողմը կներկայացնեն ԱՄՆ պետքարտուղար Մարկո Ռուբիոն և Կոնգրեսի մի քանի տասնյակ անդամներ։ Սպասվում է նաև նախագահի հատուկ դեսպանորդ Սթիվ Ուիթքոֆի և նախագահի փեսայի՝ Ջարեդ Քուշների մասնակցությունը։
Բացի այդ, կարող են մասնակցել նաև Չինաստանի արտաքին գործերի նախարար Վան Ին, ինչպես նաև Հնդկաստանի, Բրազիլիայի, Շվեյցարիայի և Ավստրիայի ներկայացուցիչներ։
Գերմանական լրատվամիջոցների տվյալներով՝ համաժողովի շրջանակներում նախատեսված է Գերմանիայի կանցլեր Ֆրիդրիխ Մերցի, Ֆրանսիայի նախագահ Էմանուել Մակրոնի և Մեծ Բրիտանիայի վարչապետ Քիր Սթարմերի հանդիպումը։
