Հայաստանի և Ադրբեջանի ղեկավարներն իսկապես լավ առաջնորդներ են, սակայն երկար տարիներ կռվում էին միմյանց դեմ, և ԱՄՆ-ին հաջողվել է արագ կարգավորել այդ հակամարտությունը, հայտարարել է ԱՄՆ նախագահը՝ ելույթ ունենալով Վաշինգտոնում Ազգային աղոթքի նախաճաշի ժամանակ: Նա նշել է, որ Հայաստանի և Ադրբեջանի միջև հակամարտության կարգավորումից հետո ՌԴ նախագահ Պուտինը զանգահարել է իրեն և զարմանք հայտնել, որ իրեն դա հաջողվել է անել այդքան կարճ ժամանակամիջոցում:
Դոնալդ Թրամփը հերթական անգամ հիշեցրել է մի շարք միջազգային հակամարտությունների կարգավորման գործում իր դերի մասին:
«Մեկ տարում ես դադարեցրել եմ կատաղի պատերազմներ, ինչպիսիք էին Կամբոջան ու Թաիլանդը, Կոսովոն ու Սերբիան, Պակիստանն ու Հնդկաստանը, Իսրայելն ու Իրանը, Հայաստանն ու Ադրբեջանը»,- ասել է ԱՄՆ նախագահը:
Միջազգային այլ լուրեր՝ տեսաշարով։
Հեղինակ՝ Սյուզաննա Չրաղյան
