Աճել է դեպի «Զվարթնոց» օդանավակայան և դեպի Գյումրիի «Շիրակ» օդանավակայան ուղևորների հոսքը. շուրջ 7,5 տոկոսով՝ հանրապետության երկու օդանավակայանների մասով, շուրջ 32,4 տոկոսով՝ միայն Գյումրիի մասով: Այդ մասին նախարարության՝ 2025 թվականի գործունեության մասին ամփոփիչ ասուլիսի ժամանակ ասաց ՏԿԵ նախարար Դավիթ Խուդաթյանը:
«Սա հետևանք է առաջին հերթին Կառավարության վարած քաղաքականության, մասնավորապես՝ բազավորման պայմանով սուբսիդավորման, ինչին արձագանքել է Wizz Air ավիաընկերությունը: Ինչպես արդեն գիտեք, մի քանի ուղղությամբ թռիչքներ են մեկնարկել, այդ թվում՝ Գյումրիից եվրոպական երկրների ուղղությամբ»,- ասաց նա:
