Չեխ միլիարդատեր, Չեխիայի վարչապետի թեկնածու Անդրեյ Բաբիշը կոալիցիոն համաձայնագիր է ստորագրել աջ թևի դաշնակիցների հետ: Նրա ANO կուսակցությունը միավորվել է կլիմայի փոփոխության դեմ պայքարող «Ավտոմոբիլիստներ» և SPD («Ազատություն և ուղիղ ժողովրդավարություն») կուսակցությանների հետ: Վերջինս դեմ է ԵՄ-ին և ՆԱՏՕ-ին: Բաբիշը մտադիր է կառավարություն ձևավորել դեկտեմբերի կեսերին։
Չնայած խորհրդարանի ընտրությունում տարած հաղթանակին՝ Բաբիշը բավարար տեղեր չի ստացել (200-ից 80-ը) ինքնուրույն կառավարելու համար։ Այդուամենայնիվ, նախագահ Պետր Պավելը նրան է հանձնարարել կառավարություն ձևավորել։
Կուսակցությունները համաձայնել են ստեղծել 16 անդամից բաղկացած կաբինետ, որում ANO-ն կզբաղեցնի ութ պաշտոն՝ գումարած վարչապետի պաշտոնը, Ավտոմոբիլիստները՝ չորս, իսկ Սոցիալ-դեմոկրատական կուսակցությունը՝ երեք։
Ընտրությունում Բաբիշը և ANO-ն հավաքել էին ձայների 34.51%-ը՝ վճռականորեն հաղթելով հեռացող վարչապետ Պետր Ֆիալայի գլխավորած արևմտամետ պահպանողական կոալիցիային։ Նոր եռակողմ գործընկերությունը կստանա 108 տեղ՝ խորհրդարանի 200 տեղանոց ստորին պալատում՝ Ֆիալային դարձնելով ընդդիմություն։
Բաբիշի վերադարձը, որին աջակցում են ծայրահեղ եվրոսկեպտիկ կուսակցությունները, կարող է թուլացնել Ուկրաինայի պաշտպանության աջակցությունը: Երեք գործընկերները հայտարարել են, որ ցանկանում են աջակցել «պատերազմը դադարեցնելուն ուղղված դիվանագիտական քայլերին» և կկասեցնեն Պրահայից Կիևին տրամադրվող ցանկացած օգնություն։
71-ամյա Բաբիշը նախկինում Չեխիայի վարչապետի պաշտոնը զբաղեցրել է 2017-2021 թվականներին։
