Հայաստանը Եվրամիության համար առանցքային գործընկեր է․ Ֆոն դեր Լայենն ամփոփել է ՀՀ վարչապետի հետ հանդիպումը

ՀՀ վարչապետ Նիկոլ Փաշինյանի հետ մտքերի շատ բովանդակալից փոխանակում ունեցանք՝ հայտարարել է Եվրոպական հանձնաժողովի նախագահ Ուրսուլա ֆոն դեր Լայենը։  

«Շնորհավորեցինք Հայաստանին՝ Ադրբեջանի հետ հարաբերություններում Վաշինգտոնում ԱՄՆ նախագահի աջակցությամբ ձեռք բերված պատմական առաջընթացի կապակցությամբ։ Սա կարևոր քայլ է տարածաշրջանում խաղաղության և կայունության ճանապարհին։

Վճռական ենք՝ խորացնելու մեր համագործակցությունը։ Հայաստանը Եվրամիության համար  առանցքային գործընկեր է։

Մեր Global Gateway ռազմավարության միջոցով մենք կզարգացնենք տարածաշրջանային հաղորդուղիները. այն ընդգրկում է առևտուրը, տրանսպորտը, էներգետիկան և թվային տեխնոլոգիաները:

Անհամբեր սպասում ենք 2026 թվականի առաջին կեսին Երևանում կայանալիք Եվրոպական քաղաքական համայնքի գագաթնաժողովին»,- X-ի իր էջում գրել է Ֆոն դեր Լայենը:

We had a very meaningful exchange with PM @NikolPashinyan.

We congratulated Armenia on the landmark progress with Azerbaijan in Washington, facilitated by @POTUS Trump. A crucial step towards peace and stability in the region.

We are determined to deepen our cooperation.… pic.twitter.com/2eYhnJcW4L

— Ursula von der Leyen (@vonderleyen) October 2, 2025