Մոլդովայի նախագահ Մայա Սանդուն սեպտեմբերի 22-ին կոչ է արել մոլդովացիներին՝ թույլ չտալ ռուսամետ ուժերի հաղթանակը խորհրդարանի ընտրությունում, քանի որ դա սպառնում է Մոլդովայի ինքնիշխանությանը, անկախությանը, ամբողջականությանը և եվրոպական ապագային:
«Մոսկվան հարյուր միլիոնավոր եվրոներ է ծախսում՝ կաշառելու հարյուր հազարավոր ընտրողներին 2025 թվականի սեպտեմբերի 28-ին նախատեսված ընտրությունում։ Մարդկանց վճարում են անկարգություններ, բռնություն սերմանելու և աշխարհը վախեցնելու համար»,- հայտարարել է Մոլդովայի նախագահը։
Նա զգուշացրել է, որ Ռուսաստանի կողմից Մոլդովայի նկատմամբ վերահսկողությունը վտանգավոր հետևանքներ կունենա ինչպես հանրապետության, այնպես էլ ամբողջ տարածաշրջանի համար։
«Եվրոպան կավարտվի Մոլդովայի սահմանին։ Տեղաշարժի ազատությունը կարող է դադարել։ Մեր երկիրը Ռուսաստանը կարող է օգտագործել որպես հենակետ Օդեսայի մարզ ներթափանցելու համար։ Մերձդնեստրի տարածաշրջանը կապակայունանա»,- ասել է Սանդուն։
