Հունաստանի Պետական եկամուտների անկախ մարմնի աշխատակիցները Աթենքի «Էլեֆթերիոս Վենիզելոս» միջազգային օդանավակայանում հայտնաբերել և բռնագրավել են կես տոննա «կատ» տեսակի թմրանյութ։
Կատը, որը հայտնի է նաև որպես բնական կոկաին, հոգեմետ նյութ է, կախվածություն է առաջացնում։ Այն ստացվում է catha edulis բույսից, որն աճում է Սոմալիում, Արաբական թերակղզու հարավում և Աֆրիկայի արևելյան ափին։
Արգելված նյութը թաքցված է եղել գործվածքեղենով չորս տարայի մեջ։ Այն Իսրայելից ԱՄՆ պետք է հասներ Հունաստանով։ Հունական կողմի տվյալով՝ սա վերջին տարիներին առգրավված թմրանյութի ամենամեծ խմբաքանակն է. այն գնահատվել է 1,5 միլիոն եվրո։
