ԱԺ-ում իրավիճակը քիչ առաջ թեժացավ այն բանից հետո, երբ պատգամավոր Հովիկ Աղազարյանն իր ելույթն ավարտեց «Ռուսական կողմին խնդրում ու կոչ եմ անում՝ չտրվել մեր սադրանքներին» նախադասությամբ:
Դրանից հետո նիստերի դահլիճում լսելի էին «Ամոթ, ամոթ» վանկարկումները:
Դահլիճից լսվում էին հորդորներ, թե դա ԱԺ ներկայացուցչի խոսք չէ:
ԱԺ նախագահի տեղակալ Հակոբ Արշակյանը կոչ արեց տեղից չբղավել:
«Պարոն Եղոյան, հանգիստ, հանգիստ»,- հորդորեց Հակոբ Արշակյանը:
Հովիկ Աղազարյանը սեղանին դրված ջրի շիշը նետեց ՔՊ-ական պատգամավոր Տիգրան Պարսիլյանի ուղղությամբ: Իրավիճակը դահլիճում լարվեց, լսելի էին հայհոյանքներ:
Արշակյանը հանդարտություն պահպանելու կոչ արեց նաև Հովիկ Աղազարյանին:
«Պարո՛ն Աղազարյան, լսեք, Ձեզ դուրս եմ հրավիրում դահլիճից և արգելում եմ այս նիստին Ձեր մասնակցությունը: Պարո՛ն Եղոյան, Ձեզ նախազգուշացում. խնդրում եմ տեղից չբղավել:
Հասկանալի է, որ ելույթը ավելի շատ օտարերկրյա շահերն էր ներկայացնում, քան հայաստանյան, ինձ էլ դուր չեկավ, բայց խնդրում եմ՝ էմոցիաների չտրվել: Կարող եք արձագանքել ելույթներով»,- հայտարարեց ԱԺ նախագահի տեղակալը՝ հորդորելով ներկաներին տեղից չբղավել:
