ԱՄՆ նախագահի հատուկ ներկայացուցիչ Սթիվեն Ուիթքոֆը շարունակում է Թեհրանի հետ քննարկումները միջուկային ծրագրի շուրջ՝ հայտնում են Վաշինգտոնից:
Սպիտակ տան մամուլի քարտուղարի խոսքով՝ Դոնալդ Թրամփը չի շփվել Իրանի իշխանությունների հետ։ Քերոլայն Լևիթը լրագրողների հետ ճեպազրույցում հստակ պատասխան չի տվել ԱՄՆ-Իրան հնարավոր բանակցությունների մասին հարցին։
Իրանի արտաքին գործերի նախարարը հայտարարել է, որ Թեհրանի և Վաշինգտոնի միջև միջուկային բանակցությունները չեն վերսկսվի, մինչև ԱՄՆ-ը չդադարեցնի ռազմական սպառնալիքները։
«Դիվանագիտության դռները երբեք չեն փակվի»,- շեշտել է Աբբաս Արաղչին։ Դիվանագետը նաև կրկնել է՝ Թեհրանը չի հրաժարվի խաղաղ նպատակներով ուրանի հարստացման նպատակներից:
