Հայաստանի Հանրապետության Սահմանադրության 166-րդ հոդվածի 1-ին մասի համաձայն` Հայաստանի Հանրապետության կառավարությունը Սահմանադրական դատարանի դատավորի պաշտոնում առաջադրել է Արտակ Զեյնալյանի թեկնածությունը: Այդ մասին ասված է ՀՀ ԱԺ նախագահի հայտարարության մեջ:
Հիշեցնենք՝ ՀՀ վարչապետ Նիկոլ Փաշինյանը ստորագրել է Կառավարության որոշումը ՍԴ դատավորի պաշտոնում Արտակ Զեյնալյանի թեկնածությունը առաջադրելու մասին։
Հիշեցնենք նաև, որ ՍԴ դատավոր Վահե Գրիգորյանը հրաժարականի դիմում էր ներկայացրել, և նրա լիազորությունները դադարեցվել էին։ Վահե Գրիգորյանն ընտրվել էր ՄԻԵԴ-ի դատավոր: Նա ՄԻԵԴ-ում որպես դատավոր կպաշտոնավարի 9 տարի:
Նշենք, որ Արտակ Զեյնալյանը Երևանի ավագանու «Հանրապետություն» խմբակցության անդամ է:
