Միացյալ Նահանգները կոչ է արել Իսրայելին հետաձգել Գազայի հատվածում լայնածավալ գործողությունը՝ իսրայելցի պատանդների ազատ արձակման շուրջ բանակցություններն ավարտելու համար, կիրակի հաղորդել է The Jerusalem Post-ը։
«Կոչը պարունակում է երկու հիմնական կետ՝ հետաձգել Գազայում լայնածավալ գործողությունը և թույլատրել բանակցությունների շարունակությունը ռազմական գործողություններին զուգահեռ»,- գրում է պարբերականը՝ հղում անելով իրավիճակին ծանոթ աղբյուրներին։
Մինչդեռ Իսրայելի պաշտոնական ներկայացուցիչները հայտարարել են, որ իսրայելական բանակը լայնածավալ ցամաքային գործողություն է սկսում և չի հեռանա այն շրջաններից, որտեղ արդեն մտել է, նույնիսկ հնարավոր համաձայնության շրջանակներում: Ավելին, նրանք շատ բարդ են համարել հրադադարի ռեժիմի ներդրման հնարավորությունը:
Միևնույն ժամանակ, Իսրայելի վարչապետ Բենիամին Նեթանյահուն հայտարարել է. «Եթե կա ժամանակավոր հրադադար մտցնելու հնարավորություն՝ պատանդներին վերադարձնելու համար, մենք պատրաստ ենք դրան»։
