Իսրայելը պատրաստվում է ընդլայնել ռազմական գործողությունները Գազայի հատվածում՝ հայտարարել է Իսրայելի պաշտպանության նախարարը:
«Եկել է ոտքի կանգնելու, ՀԱՄԱՍ-ը վռնդելու և պատանդներին վերադարձնելու ժամանակը: Սա է պատերազմին վերջ տալու միակ ճանապարհը»,- ասել է Իսրայել Կացը, տեղեկացրել, որ ՑԱՀԱԼ-ն այժմ ամբողջությամբ վերահսկողության տակ է վերցրել Մորագի միջանցքը:
Նա հավելել է, որ Գազայի հատվածի բնակիչները ստիպված են լինելու տարհանվել մարտական գործողությունների գոտիներից, իսկ ցանկացողները կարող են հեռանալ այլ երկրներ՝ Դոնալդ Թրամփի տեսլականին համապատասխան, որը կյանքի կոչելու ուղղությամբ, Կացի խոսքով, այժմ աշխատանք է տարվում:
