Ադրբեջանի պետական նավթային ընկերությունը (SOCAR) Իսրայելում հետախուզական աշխատանքներ իրականացնելու արտոնագրեր է ստացել։ Այս մասին հայտարարել է Ադրբեջանի էկոնոմիկայի նախարար Միքայիլ Ջաբարովը՝ X-ի իր միկրոբլոգում։
«Իսրայել գործնական այցի շրջանակներում մենք SOCAR-ի նախագահ Ռովշան Նաջաֆի հետ մասնակցեցինք Իսրայելի բացառիկ տնտեսական գոտու «I/6 բլոկի» հետախուզման արտոնագրերի տրամադրման արարողությանը։ Այս լիցենզիաները ռազմավարական նշանակություն ունեն SOCAR-ի միջազգային դիրքի ամրապնդման և նորարարական պրակտիկաների կիրառման համար»,- նշել է Ջաբարովը։
Իսրայել այցի շրջանակում Ջաբարովը հանդիպել է Իսրայելի նախագահ Իցհակ Հերցոգի և էներգետիկայի նախարար Էլի Քոհենի հետ: Կողմերը քննարկել են ադրբեջանա-իսրայելական հարաբերությունների հիմնական ուղղությունները և տնտեսական համագործակցության հարցեր։
