Կատարի, Սաուդյան Արաբիայի, Արաբական Միացյալ Էմիրությունների, Հորդանանի և Եգիպտոսի ԱԳ նախարարները Կատարի մայրաքաղաքում հանդիպում են ԱՄՆ նախագահի բանագնաց Սթիվեն Ուիթկոֆի հետ։ Այդ մասին հայտնել է Al Arabiya հեռուստաալիքը։
Նշվում է, որ բանակցությունները վերաբերում են Գազայի հատվածի վերականգնմանը՝ կապված պաղեստինյան ՀԱՄԱՍ շարժման և Իսրայելի միջև հակամարտության հետ: Բացի այդ, կողմերը քննարկում են անկլավի կառավարման կոմիտեի ստեղծման հարցը:
Հեռուստաալիքի տվյալներով՝ խորհրդակցություններին ներկա է եղել նաև Պաղեստինի ազատագրման կազմակերպության գործադիր կոմիտեի քարտուղար Հուսեյն ալ-Շեյխը։
