Թրամփն ու Պուտինը հեռախոսազրույց են ունեցել Ուկրաինայում պատերազմի դադարեցման հարցի շուրջ

ԱՄՆ նախագահ Դոնալդ Թրամփը հայտարարել է, որ չորեքշաբթի հեռախոսազրույց է ունեցել ՌԴ նախագահ Վլադիմիր Պուտինի հետ՝ Ուկրաինայում պատերազմի դադարեցման հարցով անհապաղ բանակցություններ սկսելու թեմայով։

«Մենք նաև պայմանավորվել ենք, որ մեր համապատասխան խմբերն անհապաղ կսկսեն բանակցությունները, և մենք կսկսենք նրանից, որ կզանգենք Ուկրաինայի նախագահ Զելենսկուն՝ նրան հաղորդելու համար այս զրույցի մասին, ինչն էլ ես կանեմ հենց հիմա»,- ասել է Թրամփը՝ իր սոցցանցերի հարթակներում։