ՄՄարիամ Մխիթարյան

Վրաստանի իշխող կուսակցությունը Կոբախիձեին ներկայացրել է վարչապետի պաշտոնում վերանշանակվելու համար

Վրաստանի իշխող կուսակցությունը Կոբախիձեին ներկայացրել է վարչապետի պաշտոնում վերանշանակվելու համար

Իշխող «Վրացական երազանք-Ժողովրդավարական Վրաստան» կուսակցության հիմնադիր և պատվավոր նախագահ Բիձինա Իվանիշվիլին վարչապետի պաշտոնում առաջադրել է կառավարության ներկայիս ղեկավար Իրակլի Կոբախիձեի թեկնածությունը։ Այդ մասին «Վրացական երազանք»-ի քաղխորհրդի նիստից հետո ճեպազրույցում հայտարարել է կուսակցության գործադիր քարտուղար Մամուկա Մդինարաձեն։

«Մեր կուսակցության կանոնադրության համաձայն՝ պատվավոր նախագահն ունի վարչապետի թեկնածու ներկայացնելու իրավունք և լիազորություն։ Եվ անակնկալ չէր, որ Բիձինա Իվանիշվիլին վարչապետի թեկնածու առաջադրեց Իրակլի Կոբախիձեին»,- ասել է Մդինարաձեն։ Նրա խոսքով՝ խորհրդարանի խոսնակի պաշտոնի թեկնածուն կլինի օրենսդիր մարմնի գործող ղեկավար Շալվա Պապուաշվիլին:

Վրաստանի նոր գումարման խորհրդարանի առաջին նիստը տեղի կունենա նոյեմբերի 25-ին։ Երբ խորհրդարանը ստանձնի իր իրավունքներն ու լիազորությունները, ներկայիս կառավարությունը՝ վարչապետի գլխավորությամբ, ինքնաբերաբար հրաժարական կտա։ Նախարարներն ու վարչապետը կգործեն մինչև նոր կաբինետի նշանակումը։

Դիտումներ

logo

Official broadcaster of the Eurovision Song Contest

Eurovision

Ներբեռնեք հավելվածը

qr
App StoreGoogle Play
FacebookXInstagramYouTubeLinkedIn

©2026 1tv.am

Նախագծվել է՝ MATEMAT-ում