ՌԴ կառավարությունը հավանություն է տվել Կապանում գլխավոր հյուպատոսություն բացելու մասին համաձայնագրին
ՌԴ կառավարությունը հավանություն է տվել Կապանում գլխավոր հյուպատոսություն բացելու մասին համաձայնագրին: Այս մասին հրամանագիր է ստորագրել ՌԴ վարչապետ Միխայիլ Միշուստինը:
«Ընդունել ՌԴ ԱԳՆ առաջարկը` ՌԴ և ՀՀ կառավարությունների միջև նոտաների փոխանակման ճանապարհով Կապանում ՌԴ գլխավոր հյուպատոսություն բացելու մասին համաձայնագիր կնքելու վերաբերյալ»,- ասված է փաստաթղթում:
Կապանում ՌԴ գլխավոր հյուպատոսությունը կլինի Հայաստանում թվով երկրորդը. առաջինը Գյումրի քաղաքում է:
ՌԴ ԱԳ նախարարությանը հանձնարարվել է իրականացնել նոտաների փոխանակում: Հարկ եղած դեպքում թույլատրվում է նոտաների նախագծում «ոչ սկզբունքային» փոփոխություններ իրականացնել:
