Եվրոպական խորհրդարանի պատգամավոր Լուկաս Ֆուրլասը կարծում է, որ Եվրամիությունը պետք է գործուն քայլերով պատասխանի Լեռնային Ղարաբաղի հայերի նկատմամբ Ադրբեջանի գործողություններին:
«Եթե ես հայ լինեի և հետևեի այս քննարկմանը, ամենևին ուրախ չէի լինի: Շատ խոսքեր և շատ քիչ գործողություններ: Հարցը շատ պարզ է, պատրաստվո՞ւմ ենք պատժել Ադրբեջանին, որը հարձակվել է հայերի վրա»,- ասել է Ֆուրլասը Եվրոպական խորհրդարանի արտաքին հարաբերությունների հանձնաժողովի նիստում կազմակերպված քննարկման ժամանակ:
Նա նաև եվրոպացի գործիչների առաջ հարց է բարձրացրեց, թե ինչ արեց ԵՄ-ն, երբ հումանիտար օգնությունը չէր կարողանում Լաչինի միջանցքով անցնել ու հասնել Ղարաբաղ:
«Իմ հարցը շատ պարզ է. հիմա՝ այս պահին, երբ Ադրբեջանը կոտորում է ժողովրդին, որպես ԵՄ-ի ներկայացուցիչներ, մենք ի՞նչ ենք պատրաստվում անել, պատրաստվում ենք դատապարտել բառերով, բանաձև մշակել ու դատապարտե՞լ գործողությունները, թե՞ այն, ինչպես արեցինք Ռուսաստանի դեպքում՝ Ուկրաինայի հետ կապված: Ամեն ինչ պարզ է, մենք պետք է անկեղծ լինենք ինքներս մեզ հետ»,- եզրափակել է ԵԽ պատգամավորը:
