Ադրբեջանը 10 հայ զինծառայողների մարմիններ է հանձնել հայկական կողմին: Տեղեկությունը «Լուրերի» հետ զրույցում հայտնեց ՀՀ ՊՆ մամուլի քարտուղար Արամ Թորոսյանը։
Հիշեցնենք, որ սեպտեմբերի 13-ի ադրբեջանական ագրեսիայի հետևանքով հայկական կողմն ունի 29 անհետ կորած:
Ավելի վաղ հայտնել էինք՝ Հայաստանի վարչապետ Նիկոլ Փաշինյանը Twitter-ի իր միկրոբլոգում գրել էր, որ սկսած սեպտեմբերի 14-ից՝ Ադրբեջանը տարբեր խոչընդոտներ է ստեղծում ադրբեջանական վերջին օկուպացիայի գոտում զոհված հայ զինվորների մարմինների որոնողական աշխատանքների համար։
