Սևանա լճում սիգի որսն արգելված է մինչև 2022-ի հունվարի 15-ը

Ուժեղացված հսկողություն՝ Սևանա լճում: Սիգի ձվադրման ժամանակահատվածով պայմանավորված՝ արգելվել է որսը: Արգելվել է նաև որսագործիքների և նավակների մուտքը Սևանա լիճ: Չնայած նախազգուշական միջոցառումներին և հսկողության 

Ձկնագողության դեպքեր կան, բայց նախորդ տարիների համեմատ նվազել են՝ ասում է արագ արձագանքման բաժնի ղեկավարը: Հիմնականում ցանցերի միջոցով է իրականացվում ձկի ապօրինի որսը: Ձվադրման շրջանում սիգ ձկնատեսակը մոտենում է ափամերձ հատվածներին՝ հեշտացնելով ձկնագողերի որսը:

Որ աշխատանքները պատշաճ իրականացվեն, Շրջակա միջավայրի նախարարն անձամբ է հետևում: Այս տարի հսկողական միջոցառումներ կիրականացվեն Հայաստանի ամբողջ տարածքում: Սևանա լճում ազգային պարկի աշխատակիցներին և Գեղարքունիքի ոստիկաններին կօգնեն 24-ժամյա խիստ հսկողություն սահմանել նաև Կոտայքի, Տավուշի և Վայոց ձորի ոստիկանության ծառայողները:

Որ լճից ապօրինի հանված ձուկը չհայտնվի մայրաքաղաքի շուկաներում, հսկողություն է սահմանվել լճին հարակից անտառային ճանապարհներին, Գեղարքունիքի մարզից դուրս եկող հիմնական ճանապարհների ելքերի մոտ էլ տեղակայվել են հսկիչ կետեր:

ԳԱԱ կենդանաբանության և հիդրոէկոլոգիայի կենտրոնի տվյալներով՝ ձկան ընդհանուր զանգվածը լճում 2019թ. կազմել է 2668, 2020-ին՝ 2345 տոննա: Սիգի արդյունագործական պաշարը 2019թ. եղել է 667 տոննա, 2020-ին՝ 586:

Սևանա լճում ուժեղացված հսկողություն կիրականացվի մինչև 2022թ. հունվարի 15-ը:

Հեղինակ՝ Վրույր Մկրտչյան