Ազգային ժողովի արտահերթ նիստում քննարկվեց «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխությունների նախագիծն առաջին ընթերցմամբ ընդունելու հարցը:
«Անհատ ձեռնարկատերերը և նոտարները վճարում են դրոշմանիշային վճար: Եթե գործող կարգավորմամբ, որն ընդունել ենք 2020 թվականի դեկտեմբերի վերջին, 18 000 դրամ են վճարում մինչև 1 200 000 հազար դրամ հաշվարկային բազայի դեպքում, ապա մենք այդ սահմանաչափը կրկնակի ավելացրել ենք: Այսինքն՝ մինչև 2 400 000 հազար դրամ հաշվարկման բազայի դեպքում կվճարեն 18 000 դրամ»,- ասաց Պապոյանը:
Օրենքի նախագծի հեղինակների առաջարկությունը հենված է Ա/Ձ-ի բեռի որոշակի նվազեցման անհրաժեշտության վրա, մասնավորապես, եթե գործող կարգավորմամբ անհատ ձեռնարկատերերը տարեկան վճարելու են 18 000-180 000 դրամ, ապա առաջարկվող կարգավորմամբ այդ բեռը տարեկան լինելու է 18 000-120 000 դրամ, ընդ որում՝ էականորեն ընդլայնվում է տարեկան 18 000 դրամ վճարողների շրջանակը: Սա հնարավորություն կտա նորաստեղծ ու դեռևս քիչ շրջանառություն ունեցող և ըստ այդմ միկրոբիզնեսի ռեժիմում գործունեություն ծավալող սուբյեկտներին որոշակի «բարձիկ» ունենալ:
