Կոչ եմ անում լինել միասնական, ամուր, անկոտրում. Պարգև սրբազան

Արցախի թեմի Առաջնորդ Տեր Պարգև արքեպիսկոպոս Մարտիրոսյանը հանդես է եկել միասնության կոչով

«Դիմում եմ հայ ժողովրդին,

Սիրելի հայրենակիցներ, կոչ եմ անում լինել միասնական, ամուր, անկոտրում։ Այս անգամ ևս ապացուցենք , որ մեր միասնականությունը անպարտելի ուժ է։

Դիմում եմ Արցախի ժողովրդին,

Սիրելի արցախցիներ, սիրելի զավակներ իմ, եղեք ամուր, զորեղ, խոհեմ ու խիզախ։ Ձեր ոգին ամրացրեք և հզորացրեք անկոտրում ուժով և միասնակամությամբ։

Կոչ եմ անում աղոթել մեր երկրի անվտանգության, հաղթանակի և ապահովության համար։

Դիմում եմ մեր բոլոր հավատացյալ զավակներին,

Ստեղծել աղոթքի միահամուռ շղթա և երկու ժամը մեկ աղոթք անել և զորավիգ լինել մեր բանակին։

Աստված մեզ պահապան, զորավիգ և օգնական»,- ասված է Պարգև Սրբազանի կոչում: