«Լելո» կուսակցության առաջնորդ Մամուկա Խազարաձեն հանրային քննարկման է հրավիրել «Վրացական երազանքի» առաջնորդ Բիձինա Իվանիշվիլիին: Այս մասին հայտնում է Aliq-ը:
Խազարաձեն ճեպազրույցում ասել է, որ երկիրն այսօր գտնվում է տնտեսական ծանր վիճակում, որի համար պատասխանատու է «Վրացական երազանքը»: «Լելոն» պատրաստ է բանավեճի ձևաչափով հանդիպել իշխող կուսակցության առաջնորդներից յուրաքանչյուրի հետ, հատկապես Բիձինա Իվանիշվիլիի հետ:
Խազարաձեն նշել է նաև, որ մինչև երկրի ներկա ճգնաժամում հայտնվելը «Լելոն» կառավարությանը առաջարկել էր վնասի նվազեցման մի քանի բանաձև, ներառյալ աշխատատեղերի և լարիի կայունության պահպանումը: