Համաճարակից տուժած և տնտեսական ճգնաժամի դեմ պայքարող Իտալիան պատրաստվում է վիճահարույց սահմանադրական բարեփոխումների հանրաքվեի, որի նպատակն է փոխել խորհրդարանի կազմը երկրում: Ֆաշիստական ռեժիմի տապալումից հետո դա կլինի առաջին փորձը՝ հայտնում է Euronews-ը:
Կիրակի և երկուշաբթի Իտալիայի բնակիչները պետք է աջակցեն կամ մերժեն օրենսդիր մարմնի թե՛ վերին, թե՛ ստորին պալատներում պատգամավորների թվի կրճատմանը: Այս նախաձեռնությունը հետևողականորեն խթանել է «5 աստղ» շարժումը:
Իտալիայի խորհրդարանն ունի 945 պատգամավոր՝ ավելի, քան եվրոպական մյուս երկրներում է: Այժմ առաջարկվում է այս թիվը կրճատել մինչև 600-ի, ինչը տարեկան բյուջեի համար կխնայի 81,2 միլիարդ եվրո: Սակայն ոմանք վախենում են, որ ավելի քիչ պատգամավորը կնշանակի ավելի թույլ ներկայացվածություն, հատկապես տարբեր փոքրամասնություններից: