COVID-19-ն Իսպանիայում ավելի արագ է տարածվում ու ավելի լուրջ է, քան Իտալիայում: Իսպանիայում իրավիճակի լրջության մասին գրում է Интерфакс-ը՝ հղում կատարելով իսպանական El Pais թերթին:
Պարբերականը նշում է, որ համաճարակային տեսանկյունից Իտալիայում առավել խնդրահարույց է երեք շրջան՝ Լոմբարդիան, Էմիլիա-Ռոմանյան ու Վենետոն: Մինչդեռ Իսպանիայում վարակն արագ տարածվում է ինքնավար համայնքներում, որտեղ նախկինում չի գրանցվել:
Իսպանիայում ընդհանուր առմամբ գրանցվել է վարակի մոտ 40 հազար դեպք, մահացել է 2696 մարդ: Վերջին 24 ժամվա ընթացքում արձանագրվել է վարակի ավելի քան 4500 նոր դեպք: Մեկ օրում մահացել է 385 մարդ: