Այս տարվա տասնմեկերորդ ամսվա տասնմեկերորդ օրը՝ ուղիղ տասնմեկն անց տասնմեկ րոպեին, Գերմանիայի մի շարք քաղաքներում սկսվեց կառնավալային սեզոնը: Արևմտյան Գերմանիայի Քյոլն, Դյուսելդորֆ և այլ քաղաքների տասնյակ հազարավոր բնակիչներ հեղեղեցին փողոցները: Քաղաքային պաշտոնյաներն ու տեղացիները տարազներով հագնված երգում և պարում էին՝ ազդարարելով հաջորդ տարվա մարտին կայանալիք մեծ կառնավալի մեկնարկը: Ռեյնի քաղաքներն ունեն իրենց կառնավալային ավանդույթները, որը հայտնի է որպես «հինգերորդ սեզոն»: