Հայաստանում 2019 թ. առաջին 10 ամիսների ընթացքում 85 միլիոնով ավելի ՀԴՄ կտրոն է տպագրվել նախորդ տարվա նույն ժամանակահատվածի համեմատ: Այս մասին «Ի՞նչ անել-2 տնտեսական հեղափոխություն. Ընկալումը և գործարկումը» գիտագործնական խորհրդաժողովի ընթացքում հայտարարել է ՀՀ վարչապետ Նիկոլ Փաշինյանը:
«2019 թ. առաջին 8 ամիսների տվյալներով, նախորդ տարվա համեմատ, մենք 75 մլն հատ ավելի տպված ՀԴՄ կտրոն ունենք: 10 ամիսների տվյալներով՝ այդ թիվն արդեն հասել է 85 միլիոնի»,- ասաց Փաշինյանը:
ՀՀ վարչապետը կարևորեց այն հանգամանքը, որ համեմատություններն արդեն կարողանում են կատարել հետհեղափոխական ժամանակահատվածի կտրվածքով:
