Moskvanın Qırmızı Meydanında Böyük Vətən Müharibəsində Qələbənin 80-ci ildönümünə həsr olunmuş parad keçirilib və bu paradda Rusiya prezidenti Vladimir Putinə Ermənistan, Çin, Braziliya, Venesuela, Slovakiya və Serbiyanın da daxil olduğu 30-a yaxın dövlət başçısı qatılıb.
Bundan əlavə, Qələbə Paradında Çin, Vyetnam, Misir, Monqolustan, Azərbaycan və Myanma da daxil olmaqla 13 ölkənin hərbçiləri iştirak edib.
Media qeyd edib ki, Rusiya prezidenti Vladimir Putin əvvəlki üç ildə mayın 9-da Qırmızı Meydandakı təntənəli çıxışında Ukraynadakı müharibədən bəhs etdiyi halda, bu dəfə mövzu ilə bağlı yalnız bir neçə söz deyib.
Putinin sözlərinə görə, ruslar Böyük Vətən Müharibəsinin “tarixi, zəfərli hadisələri” və “vətəni və milli maraqları müdafiə etməyi” vəsiyyət etmiş nəslin xatirəsini, eləcə də ənənəvi dəyərləri qoruyub saxlayırlar.
