Avropa Parlamentində “Azərbaycan tərəfindən erməni girovların, o cümlədən Dağlıq Qarabağın yüksək səviyyəli siyasi nümayəndələrinin qanunsuz həbsləri və saxta məhkəmələri” adlı müzakirə baş tutub.
Polşanı təmsil edən Malgorzata Gosyevska bəyan edib ki, “Dağlıq Qarabağın Azərbaycan tərəfindən ilhaqı humanitar böhrana və mülki erməni əhalisinin kütləvi şəkildə köçməsinə səbəb olub”.
Onun sözlərinə görə, mövcud vəziyyət insan hüquqlarının monitorinqi missiyasının yaradılması, Azərbaycan və Ermənistan arasında danışıqların təşkili və Aİ-nin Azərbaycanla gələcək əməkdaşlığının insan hüquqları sahəsində irəliləyişlə şərtləndirilməsi kimi konkret addımları tələb edir.
“Avropa, indi gurultulu çıxışların və alqışların vaxtı deyil. Mən Qafqazdakı vəziyyət kimi real problemin həlli üçün sərt addımlar tələb edirəm", - Gosyevska yekunlaşdırıb.
